Riaktivizohet shërbimi i konfiskimit të veturave të parkuara gabimisht në Pejë

Riaktivizohet shërbimi i konfiskimit të veturave të parkuara gabimisht në Pejë

Ilir Osmanaj 21 November 2019 13:32

Komuna e Pejës ka riaktivizuar shërbimin e konfiskimit të automjeteve të parkuara gabimisht. Kontrata me operatorin e mëparshëm ka skaduar në korrik.

Por, kësaj here, operatori do të vendosë bllokada në rrotë, nëse nuk arrin t`i konfiskojë veturat, shkruan sot Koha Ditore.

“Operatori do t’i vendosë bllokuesit nëpër goma të automjeteve të parkuara ilegalisht në vendet nga ku operatori nuk mundet ta largojë dhe ta bartë automjetin e parkuar ilegalisht. Kjo është hera e parë që në Pejë do të përdoren bllokuesit e gomave të automjeteve”, thotë Xhemë Berisha, menaxher i Zyrës së Prokurimit në Komunën e Pejës.

E në rast se pronari i automjetit heq bllokuesin e vendosur në gomë, do të ndiqet penalisht. “Është veprim i kundërligjshëm nëse kundërvajtësi e heq bllokuesin nga goma. Për këtë vepër ai do të ndiqet penalisht për dëmtim të pasurisë”, tregon Arben Visoqi, komandant i trafikut rajonal të Pejës, se me çka do të përballet pronari i automjetit nëse e laron nga goma bllokuesin.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme