Komuna e Klinës subvencionon 49 serra për fermerët Foto: ilustrim

Komuna e Klinës subvencionon 49 serra për fermerët

16 November 2019 10:31

Drejtoria e Bujqësisë në Komunën e Klinës ka nisur t’ua shpërndajë serrat 49 fermerëve përfitues të këtij projekti të Komunës, të financuar në bashkëfinancim të komunës me 70 për qind dhe fermerëve përfitues me 30 për qind të çmimit të serrës.

Drejtori i Bujqësisë, Pylltarisë dhe Zhvillimit Rural, Naser Morina, tha se fokusi i qeverisjes komunale është që të rritet mbështetja e komunës ndaj fermerëve, me qëllim që të krijohen mundësi më të mira dhe lehtësira financiare për bujqit. Morina tregoi se për 49 serra interesimi ka qenë shumë i madh.

“Kanë qenë 106 aplikues, por nuk kemi pasur më shumë mundësi buxhetore kësaj here për të ndarë më shumë serra. Këto serra që janë duke u shpërndarë janë me sipërfaqe prej gjysmë ari dhe një ari, që kanë kushtuar 366 euro, respektivisht 677 euro për serrën për një ari. Për këtë projekt Komuna ka ndarë rreth 15 mijë euro”, tha Morina.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme