Shfuqizohet vendimi për lokacionin e objektit të shoqatave të dala nga lufta në Malishevë

Shfuqizohet vendimi për lokacionin e objektit të shoqatave të dala nga lufta në Malishevë

Fisnik Minci 18 October 2019 10:32

Anëtarët e Kuvendit të Komunës së Malishevës kanë shfuqizuar vendimin për caktimin e lokacionit për ndërtimin e objektit për shoqatat e dala nga lufta e UÇK-së.

Muajin e kaluar Ministria e Administrimit të Pushtetit Lokal kishte vlerësuar se ky vendim është në kundërshtim me dispozitat e legjislacionit në fuqi. MAPL-ja pati ardhur në këtë përfundim, duke marrë për bazë faktin se lokacioni i caktuar nga KK-ja për ndërtimin e objektit të sipërpërmendur nuk është pronë komunale, por aset nën administrimin e AKP-së, shkruan sot Koha Ditore.

Në anën tjetër organet komunale pas shfuqizimit të vendimit në fjalë kanë bërë të ditur se do të zhvillojnë procedura të tjera për caktimin e lokacionit për ndërtimin e objektit për shoqatat e dala nga lufta.

“Vendimi për caktimin e lokacionit për ndërtimin e objektit për shoqatat e dala nga lufta e UÇK-së në Malishevë është shfuqizuar, me qëllim të zhvillimit të procedurave tjera, për caktimin e atij lokacioni për ndërtimin e objektit në fjalë”, thuhet në njoftimin e Zyrës për Informim të Komunës së Malishevës.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme