“Brick” dhe “ICK” ua mundësojnë të rinjve kaçanikas të zhvillojnë idetë e tyre ndërmarrëse

17 October 2019 20:51

Deri tani, shumë të rinj kaçanikas e kanë pasur rastin që përmes programit “Brick”, t’i jetësojnë dhe zhvillojnë idetë e tyre.

Në dy vjetët e fundit, ky program ka mbajtur aktivitete të ndryshme kulturore, edukative e arsimore në Kanaçik.

Kësaj radhe, këta të rinj u bënë bashkë në hapësirat e “Innovation Centre Kosovo”.

Të ndarë në ekipe, ata i prezantuan idetë e tyre ndërmarrëse gjatë programit dyditor “Schoolpreneur”.

Tridhjetepesë ndërmarrës të rinj aspirues u bashkuan në “ICK”, për t’i prezantuar idetë e tyre, prej të cilave, tri u përzgjodhën si më të mirat, raporton “Express” i KTV-së.

Për t’i ndihmuar dhe udhëhequr në këtë sfidë të re, të rinjve iu bashkua një mentor, ideja e të cilit u jetësua në po të njëjtin vend.

Idetë e ekipeve pjesëmarrëse ishin nga më të ndryshmet dhe realizimi i secilës prej tyre do të mirëpritej nga banorët e Komunës së Kaçanikut e më gjerë.

Pas këtij programi dyditor, u zgjodhën edhe tri ekipet fituese.

“Schoolpreneur” është program që, përveç angazhimit të të rinjve, nxit edhe fillimin e bizneseve të reja. Nxënësit tashmë kanë mundësi që këto ide t’i realizojnë në të mirë të komunitetit.

“Brick” është program i themeluar dhe implementuar nga CDF-ja, në partneritet me ICK dhe pesë partnerë tjerë.

© KOHA. Të gjitha të drejtat janë të rezervuara.

Komentet

Shto koment

Të ngjashme