Sot fillon procesi i eliminimit të brejtësve apo deratizimi vjeshtor i rrjetit të kanalizimit, bodrumeve dhe garazheve publike nëpër lagjet e Prishtinës, i cili do të zgjasë deri më 1 nëntor.

Ky proces ka për qëllim ruajtjen e shëndetit publik përmes zvogëlimit dhe mbajtjes nën kontroll të numrit të brejtësve që qarkullojnë nëpër rrjetin e kanalizimit e që mund të paraqesin kërcënim për shëndetin publik të qytetarëve.

Komuna e Prishtinës thotë se bashkëpunimi i qytetarëve në këtë aktivitet është shumë i rëndësishëm, prandaj ata lusin qytetarët që t’i përkrahin në mënyrë që ky aktivitet të realizohet me sukses.

Kërkohet nga qytetarët që t’i hapin dyert e podrumeve dhe garazheve në mënyrë që të sigurohet qasje e lehtë në këto hapësira, derisa monitorimi i këtij procesi do të jetë i vazhdueshëm.

Orari i deratizimit të garazheve nëpër lagje:

Lakërishte dhe Dardani - 15 -19.10.2019

Ulpiana - 21 - 23.10.2019

Kodra e Diellit, Aktashi - 24 - 26.10.2019

Qendra e Qytetit - 28 - 29.10.2019

Vellusha , Blloku i I dhe i II - 30.10.2019

Tophane, ndërtesat te Fusha e Pajtimit - 31.10.2019

Trajtim plotësues - 01.11.2019

Orari i deratizimit të rrjetit të kanalizimit nëpër lagje:

Sofali - 15.10.2019

Taslixhe - 16.10.2019

Velani - 17.10.2019

Kodra e Diellit (Zona Lindore) - 18.10.2019

Kodra e Diellit (Zona Qendrore) - 19.10.2019

Kodra e Diellit (Zona Perëndimore) & Aktashi - 21.10.2019

Lagjja e Spitalit / 22.10.2019

Rruga për Gërmi dhe Rr. Gazmend Zajmi (ish-Dubrovniku) - 23.10.2019

Rr. “Haxhi Zeka” (ish-Proleterit) dhe rruga për Gërmi - 24.10.2019

Zona në mes rrugës Haxhi Zeka (ish-Proleterit ) dhe Rr.Bajram Bahtiri - 25.10.2019

Kodra e Trimave ana e djathtë e rrugës Vëllezërit Fazliu - 26.10.2019

Kodra e Trimave nga ana e majtë e rrugës Vëllezërit Fazliu - 28.10.2019

Tophane dhe Arbëria - 29.10.2019

Ulpiana dhe Emshiri - 30.10.2019

Dardania dhe Lakrishtja - 31.10.2019

Qendra e qytetit - 01.11.2019