Nxënësit në Kamenicë bojkotojnë mësimin shkaku i ndryshimit të orarit

Nxënësit në Kamenicë bojkotojnë mësimin shkaku i ndryshimit të orarit

Feim Azemi 12 September 2019 08:53

Nxënësit e shkollës fillore “Fan Noli” në Kamenicës, të mbështetur edhe nga prindërit, po bojkotojnë procesin mësimor në kundërshtim të orarit të ri të mësimit, shkruan sot Koha Ditore.

Me vendim të drejtorisë komunale të arsimit nxënësit nga klasa e parë deri në klasën e pestë do të vijojnë procesin mësimor në ndërresën e parë, kurse nxënësit nga klasa 6 deri në klasën 9 do të vijojnë procesin mësimor në ndërresën e dytë.

Mirëpo ndryshimi i orarit në shkollën “Fan Noli” nuk po përkrahet as nga kryetarët e lagjeve të qytetit, të cilët po kërkojnë nga komuna që të respektohen shqetësimet e prindërve.

Kryetarët të cilët mbrojnë interesin e banorëve të lagjeve “Malësia”, “Iliria”, “Çamëria”, “Qendra” dhe lagjja “Iliria” në një letër, e cila u është adresuar organeve komunale duke kërkuar që nxënësit të vijojnë procesin mësimor me orarin e vjetër.

Sipas tyre, me këtë orar nuk po mund të përshtaten as prindërit të cilët i dërgojnë fëmijët e tyre në këtë shkollë të qytetit...(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme