Pamje të tilla mund të hasen shumë afër qendrës së fshatit Roganë të komunës së Kamenicës.
Lumi i cili edhe vendos kufirin e fshatit Roganë dhe Hogosht, është i mbushur me mbeturina, ku kryesisht dominojnë shishet e plastikës, raporton KTV.
E në një vend tjetër në po këtë fshat, shihen edhe mbetje të kafshëve, e që për banorët është veprim jo i drejtë.
Banorët e këtij fshati e konsiderojnë këtë si krim ndaj mjedisit.
Zyrtarë nga komuna e Kamenicës thonë se të gjithë inspektorët kanë dalë në terren dhe kanë shpërndarë gjoba për hedhjen e mbetjeve të kafshëve.
Tutje, ai tregon se pavarësisht vetëdijesimit të njerëzve për mos-hedhjen e mbeturinave jashtë vendeve të përcaktuara për këtë, janë duke punuar për eliminimin e tyre.
Pas festës së Kurban Bajramit, qytetarët nga komuna të ndryshme të Kosovës, kanë hedhur mbetjet e kurbaneve në vende të ndryshme.
-
Nga: Dorentina Thaqi
-
16 gusht 2019 21:52
-
Shpërndaje në: