Kanë pushuar hetimet për gjetjen e mbetjeve mortore në Pendën e Livoqit

Kanë pushuar hetimet për gjetjen e mbetjeve mortore në Pendën e Livoqit

Feim Azemi 13 June 2019 12:01

Komuna e Gjilanit ka konfirmuar se kanë pushuar hetimet e bëra në Pendën e Livoqit, qëkur Misioni i Bashkimit Evropian në Kosovë (EULEX) kishte zhvilluar kërkime nën dyshimin se në këtë liqe artificial gjendeshin mbetjet mortore të serbëve të vrarë pas përfundimit të luftës së vitit 1999.

Ndërkaq, pas pushimit të hetimeve, Komuna do të fillojë ta bëjë pastrimin e liqenit. Kryetari i Komunës së Gjilanit, Lutfi Haziri, ka deklaruar se ata do të vazhdojnë implementimin e projekteve, të cilat janë në dobi të qytetarëve, duke përfshirë edhe pastrimin e liqenit, i cili është i ndotur edhe nga derdhja e ujërave të zeza, shkruan sot Koha Ditore.

Ai ka thënë se qeverisja komunale ka investuar në ndërtimin e sistemit të kanalizimit në zonat rurale me qëllim që të parandalohet edhe ndotja e ujërave.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme