Arbëri

Nxënësit e verbër me projekt sensibilizimi kundër bulizmit

Ngacmimet, përqeshjet, paragjykimet janë sjellje jo të rralla të nxënësve, kolegëve të tyre me nevoja të veçanta, shkruan sot “Koha Ditore”.

Kundër këtij fenomeni janë mobilizuar nxënësit e shkollës së vetme të verbër dhe me të parë të dëmtuar në Kosovë, qendra burimore për mësim dhe këshillim “Xheladin Deda” në Pejë.

Ata kanë nisur realizimin e një projekti sensibilizues dhe vetëdijesues në shkollat e Pejës dhe të Istogut. Një grup prej nëntë nxënësve të kësaj shkolle, prej tyre disa të verbër e disa me të parë të dëmtuar, po shpërndajnë mesazhet e tyre në shkollat e këtyre dy komunave me projektin kundër ngacmimeve nëpër shkolla të personave me nevoja të veçanta, që po mbështetet nga organizata UNICEF/Inovation Lab Kosova dhe PEN.

Fatlum Leku, me dëmtime në të parë, nxënës i klasës së dhjetë në shkollën “Xheladin Deda”, është njëri prej nëntë nxënësve që po e realizojnë këtë projekt.

(Artikullin e plotë mund ta lexoni sot në “Koha Ditore”)