Arbëri

Shkollat e fshatrave të Deçanit braktisin grevën, në qytet jo

Foto: Driton Paçarada

Tetëdhjetë për qind e shkollave të Deçanit i janë kthyer procesit mësimor ditën e sotme.

Këtë e ka konfirmuar për KosovaPress shefja e kabinetit të kryetarit të Komunës, Dafina Cacaj.

Ajo ka thënë se përjashtim nga mbajtja e mësimit po bëjnë shkollat në qytet.

Sipas Cacajt, të gjitha shkollat e fshatrave të kësaj komune sot po mbajnë mësim me orar të rregullt.

Para dy ditësh, kryeministri Ramush Haradinaj për mbi 20 mijë të punësuar në sektorin e arsimit, ka ofruar vlerën e rritjes së pagave prej 20 milionë euro në vit. Mirëpo, kjo ofertë është refuzuar nga SBASHK-u.