Arbëri

Komuna e Skenderajt shpërblehet me 141,890 euro

Komuna e Skenderajt shpërblehet me 141,890 euro për Grantin e Përformancës 2019, nga Ministria e Administrimit të Pushtetit Lokal, së bashku me SDC/DEMOS, në vlerësimin e tyre për punën e komunave të Kosovës, për vitin 2018.

Kryetari i Komunës së Skenderajt, z.Bekim Jashari, e ka mirëpritur këtë vlerësim, duke theksuar se, si rezultat i punës së mirë të qeverisjes lokale, Komuna e Skenderajt shpërblehet me 141,890 euro.

“Jemi në mesin e 19 komunave të Kosovës, që jemi vlerësuar nga Ministria e Administrimit të Pushtetit Lokal, për Grantin e Përformancës 2019. Këtij granti të ministrisë në fjale, do t’i shtohet edhe bashkëfinancimi nga Agjencia Suedeze për Bashkëpunim Zhvillimor Ndërkombëtar – SIDA.

Dhe si rezultat i punës së suksesshme të Qeverisë sime, Granti i Përformancës arrin vlerën prej 141,890 euro.

Këto mjete do të investohen në projekte kapitale për të mirën e qytetarëve tanë.

Fillim i mbarë i vitit 2019!”, është shprehur kryetari Jashari.​