Pushuesit ecën me kilometra për të arritur te qendra e skijimit në Brezovicë

Luljeta Beselica Luljeta Beselica 05 January 2019 21:27

Vështirë e kalueshme ishte rruga që të çon për në qendrën e skijimit në Brezovicë.

Qytetarë të shumtë janë detyruar të ecin në këmbë deri në qendrën e skijimit, duke i lënë veturat me kilometra larg, raporton KTV.

Vizitorët thonë se autoritetet kompetente është dashur që ta pastrojnë rrugën.

Kryeshefi ekzekutiv i Agjencisë për Mbrojtjen e Mjedisit të Kosovës, Ilir Morina, ka thënë se ndonëse nuk është obligim i tyre, ata kanë bërë pastrimin e rrugëve, parkingjeve dhe hapësirave të nevojshme për automjete dhe autobusë.

Pastrimi i rrugës, sipas tij, është bërë gjatë mbrëmjes së të premtes.

Morina ka thënë se kanë për qëllim të marrin nën menaxhim qendrën e skijimit në Brezovicë.

Ndryshe, rruga për Brezovicë ka qenë e mbyllur më 2 dhe 3 janar.

© KOHA. Të gjitha të drejtat janë të rezervuara.

Komentet

Shto koment

Të ngjashme