Pejë, 42 biznese borxhlinj të tatimit në pronë, dërgohen te përmbaruesi

Pejë, 42 biznese borxhlinj të tatimit në pronë, dërgohen te përmbaruesi

Ilir Osmanaj 27 December 2018 08:52

Duket se Komuna e Pejës sivjet është treguar më e ashpër ndaj borxhlinjve për tatimin në pronë. Shkruan sot Koha Ditore.

Në fokus sivjet kanë qenë më tepër personat juridikë, ndaj të cilëve që në fillim të vitit Drejtoria e Financave kishte filluar dërgimin e vërejtjeve për bllokim të llogarive bankare gjithë borxhlinjve fizikë dhe juridikë që nuk janë duke iu përgjigjur shlyerjes së borxheve që i kanë ndaj arkës komunale për tatimin në pronë, i cili në fillim të vitit ishte afër 9 milionë euro.

Ndërkohë disa u janë përgjigjur këtyre vërejtjeve, por jo të gjithë. Sidomos në fokus të arkës komunale kanë qenë subjektet afariste. Në një listë të Komunës që u ishte dërguar vërejtja për bllokimin e llogarisë bankare, në raste se nuk e shlyejnë së paku gjysmën e borxhit që kishin, kanë qenë fillimisht 57 persona juridikë, secila me mbi 5 mijë euro borxhe për tatim në pronë të papaguar.

Mirëpo, jo të gjitha bizneset edhe u janë përgjigjur këtyre vërejtjeve dhe për të arkëtar ato borxhe, siç thotë drejtori i Financave, Jeton Abazaj, 42 persona juridikë janë dërguar te përmbaruesi.

(Gjerësisht sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme