Komuna e Fushë-Kosovës s`e di nëse Ministria është tërhequr nga vendimi për deponinë

Komuna e Fushë-Kosovës s`e di nëse Ministria është tërhequr nga vendimi për deponinë

Nexhat Tovërlani 20 December 2018 10:31

Komunarët e Fushë-Kosovës ende nuk e dinë nëse Qeveria dhe Ministria e Mjedisit dhe Planifikimit Hapësinor janë tërhequr nga vendimi për të ndërtuar deponinë me mbetje të rrezikshme në fshatin Harilaq. Para dy muajsh Kuvendi Komunal kishte votuar kundër këtij vendimi.

Në seancën e jashtëzakonshme që ishte mbajtur për këtë çështje, përfaqësuesit e të gjitha partive politike ishin shprehur kundër vendosjes së mbeturinave të rrezikshme në këtë lokacion. Ata kishin kritikuar zyrtarët qeveritarë për marrjen e këtij vendimi pa u konsultuar fare komunarët e banorët e këtij fshati. Sipas këshilltarëve komunalë, banorët e Fushë-Kosovës janë në rrezik edhe nga “bomba” tjera të vendosura në territorin e saj, ku kanë përmendur rezervuarët e naftës në fshatin Miradi, shkruan sot Koha Ditore.

Zëdhënësi i Komunës së Fushë-Kosovës, Ali Topalli, thotë të mos kenë asnjë shkresë zyrtare nga Ministria apo Qeveria lidhur me këtë çështje, as pasi Kuvendi Komunal e ka kundërshtuar një gjë të tillë.

(Gjerësisht, sot në “Kohën Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme