Arbëri

Ministria dhe Komuna dështojnë rehabilitimin e hekurudhës

Zvarritet realizimi i projektit për rregullimin e projektit madhor infrastrukturor, në Ferizaj, shkruan sot Koha Ditore.

Kështu Ministria e Infrastrukturës dhe Komuna e Ferizajt kanë dështuar t’i nisnin punimet për rehabilitimin e hekurudhës në këtë qytet, megjithëse udhëheqësit e këtyre institucioneve patën premtuar për zgjidhjen e këtij problemi dhe parandalimin e aksidenteve.

Ferizaj gjatë këtij viti mund ta përfitojë vetëm projektin për studimin të fizibilitetit të hekurudhës sepse Ministria e Infrastrukturës nuk e ka planifikuar në buxhet futjen e hekurudhës nën tokë për këtë qytet.

Rehabilitimi i hekurudhave të Kosovës nga Hani i Elezit e deri në Leshan, nëpërmjet BERZH-it pritet të nisë në vitet e ardhshme në vlerë prej rreth 200 milionë eurosh.

(Më shumë lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.