Të gjitha rrugët në komunën e Rahovecit janë të kalueshme

Të gjitha rrugët në komunën e Rahovecit janë të kalueshme

14 dhjetor 2018 09:40

Bora që ka rënë gjatë natës së datës 13 Dhjetor 2018, nuk ka shkaktuar telashe në lëvizjen e automjeteve, në gjithë territorin e komunës së Rahovecit. Kompanitë për mirëmbajtjen e rrugëve gjatë sezonit dimërorë, janë në gjendje gatishmëri nëse kërkohet ato do të intervenoj me kohë për pastrimin e borës nga rrugët.

Përparim Krasniqi, drejtor i Drejtorisë së Shërbimeve Publike shprehet se bora që ka rënë gjatë natës, nuk ka paraqitur ndonjë problem dhe se rrugët në gjithë territorin e komunës janë të kalueshme.

“Që të mos kemi probleme në mirëmbajtjen e rrugëve gjatë sezonit dimërorë, ne i kemi marrë masat e nevojshme dhe duke u bazuar në masat e ndërmarra, rrugët në gjithë territorin e komunës do të pastrohen nga dy kompani dhe se kjo është bërë për herë të parë pasi që në vazhdimësi ka qenë një kontraktuara nga komuna për pastrimin e borës nga rrugët. Kurdo që ka nevojë për të intervenuar për largimin e borës nga rrugët, sigurisht që kompanitë do të intervenoj me kohë, në mënyrë që qytetarët të mos kenë probleme për të lëvizur me automjetet e tyre”, ka thënë ndër të tjera drejtori Krasniqi.

Komentet

Shto koment

Të ngjashme