OJQ-të pas policisë, më të besueshmet

OJQ-të pas policisë, më të besueshmet

06 dhjetor 2018 10:43

Ferizaj, 5 dhjetor – Fondacioni Kosovar për Shoqëri Civile (KCSF) në bashkëpunim me Organizatën Iniciativa për Progres (INPO), nëpërmjet një konference në Ferizaj kanë prezantuar studimin e rregullt të KCSF-së “Indeksi Kosovar për Shoqëri Civile 2018”.

Dren Puka, drejtor i Programit për Hulumtim dhe Avokim në KCSF, ka thënë se ky studim tregon që përkundër një situate të vështirë politike dhe ekonomike në Kosovë, shoqëria civile ka arritur që të mbetet një faktor shumë i rëndësishëm në demokratizimin e vendit.

Sipas tij, në Kosovë janë të regjistruara mbi 9 mijë e 500 organizata të shoqërisë civile, prej të cilave një mijë e 943 janë klube sportive apo federata të sportit.

Ndërkaq, numri i organizatave të cilat kanë pasur ndonjë aktivitet financiar apo të punësuar gjatë vitit 2017 llogaritet të jetë rreth një mijë veta. Sipas tij, të dhënat tregojnë që puna në këtë sektor nuk është stabile, derisa vetëm rreth 3.500 persona konsiderohen si të punësuar në OShC përgjatë 12 muajve të vitit/Agim Ademi. (Gjerësisht, sot në “Kohën Ditore”).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme