Dështon edhe sivjet subvencionimi i kultivuesve të duhanit

Dështon edhe sivjet subvencionimi i kultivuesve të duhanit

12 korrik 2018 11:32

Komuna e Gjilanit nuk ka arritur ta jetësojë premtimin për subvencionimin e kultivuesve të duhanit. Qeverisja lokale edhe në strategjinë e saj parasheh zhvillimin e industrisë së duhanit, e cila kishte njohur zhvillim të hovshëm në periudhën e ish-regjimit jugosllav gjatë viteve 1970 deri në vitin 1989, duke u konsideruar si motor i zhvillimit ekonomik jo vetëm për këtë komunë, por edhe për rajonin e Anamoravës. Gjatë asaj periudhe me kultivimin e duhanit janë marrë banorët të cilët gravitojnë nga Gjilani, Kamenica dhe Vitia, duke bërë që ekonomitë familjare të gjeneronin të hyra financiare.

Drejtori i Bujqësisë në Komunën e Gjilanit, Ramiz Ramadani, ka thënë se ata nuk mund ta subvencionojnë asnjë kultivues të duhanit nëse lënda e duhanit nuk pranohet nga fabrika, e cila merret me prodhimin e cigareve, shkruan sot Koha Ditore,

Sipas tij, nga takimet të cilat kanë zhvilluar me përfaqësuesit e “Premium Tobacco Group” nuk kanë hasur një gatishmëri të tillë ngase fabrika, sipas tij, ende nuk është funksionale.

(Më shumë lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme