-
Përktheu:
Vita Abrashi-Kajtazi
- 9 qershor 2026 18:16
- Shpërndaje në:
Nick Reiner, djali 32-vjeçar i regjisorit të njohur të Hollywoodit, Rob Reiner, ka kërkuar në gjykatë qasje në fondin që prindërit i kishin lënë, duke thënë se i nevojiten paratë për mbrojtjen e tij ligjore, ka raportuar agjencia e lajmeve Associated Press.
Nick Reiner akuzohet për vrasjen e babait të tij, Rob Reiner, dhe nënës së tij, Michele Singer Reiner, të cilët u gjetën të vrarë me thikë në shtëpinë e tyre në Los Angeles më 14 dhjetor. Ai është deklaruar i pafajshëm për dy akuzat për vrasje.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas dokumenteve të dorëzuara në gjykatë, Reiner pretendon se administratorët e fondit po i mohojnë pa bazë ligjore paratë që prindërit i kishin parashikuar për të.
“Nick i donte prindërit e tij dhe është i shkatërruar nga humbja e tyre. Por, si çdo person i akuzuar për një krim, ai prezumohet i pafajshëm dhe ka të drejtë të ndërtojë mbrojtjen e tij me burimet që i përkasin ligjërisht”, thuhet në kërkesën gjyqësore.
Sipas dokumenteve, Rob dhe Michele Reiner kishin krijuar fonde të veçanta për secilin nga fëmijët e tyre. Për Nickun ishte parashikuar që gjysmën e fondit ta merrte në moshën 30-vjeçare dhe pjesën tjetër në moshën 35-vjeçare.
Avokatët e tij thonë se ai nuk ka marrë asnjërën nga këto pagesa, megjithëse fondi përmban të paktën 1.5 milion dollarë.
Avokati i njohur Alan Jackson, i cili më herët e përfaqësoi Reinerin, ka deklaruar se është i gatshëm të rikthehet në mbrojtjen e tij nëse fondet bëhen të disponueshme.
Ndërkohë, procesi penal po ecën ngadalë.
Reiner pritet të dalë sërish para gjykatës në muajin shtator për një seancë paraprake. Prokuroria ende nuk ka vendosur nëse do të kërkojë dënimin me vdekje.
Autoritetet nuk kanë zbuluar ende një motiv të mundshëm për krimin, ndërsa shumica e detajeve të hetimit dhe autopsisë mbeten të fshehta nga publiku.
Rob Reiner ishte një nga regjisorët më të njohur të Hollywoodit, i famshëm për filma si “Stand by Me”, “A Few Good Men”, “When Harry Met Sally...” dhe “This Is Spinal Tap”.