Jeni duke punuar drejt një synimi të caktuar. Po mundoheni ta arrini sa më shpejt që të jetë e mundur. Do të ndiheni më mirë kur edhe të tjerët përreth ju ndihmojnë. Madje dikush do ta shpreh vullnetin që t’i ndryshojë planet që ka vetëm për t’ju ndihmuar. Gjithçka po shkon mirë. Shpejt do ta shihni dritën në fund të tunelit.

I keni përgatitur arsyetimet pasi nuk doni të merrni pjesë në disa aktivitete që po i planifikon një mik. Mirëpo, disa ndryshime do të ndikojnë që ta ndërroni mendjen, sepse jo vetëm që do të doni ta dini se çfarë po ndodh, por edhe do të doni t’u bashkoheni.

Miqtë që do t’i bëni tani do të kenë shumë rëndësi për ju në të ardhmen. Merreni iniciativën në një projekt grupor dhe tregoni të gjithëve se çfarë mund të bëni. Përgatituni që t’i kapni mundësitë që po vijnë drejt jush. Ka shumë vende të reja që mund t’i vizitoni dhe njerëz që mund të takoni.

Ekziston një arsye se pse do të doni që të shkoni diku larg. Dikush nga grupi juaj po sillet çuditshëm. Po e vëreni se do të shpërthejë një grindje pasi komentet që po i bëjnë nuk janë aq qesharake sa mendojnë. Disa njerëz thjesht nuk dinë se si t’i përshtatin fjalët me situatën. Nëse nuk e kuptojnë vetë, do të duhet t’u tregoni.

Nuk po brengoseni për gjërat që po bëni apo që duhet të bëni sepse thjesht nuk keni kohë për të menduar. E dini se për të përparuar duhet të jepni mund. Thjesht po e shikoni interesin tuaj. Do t’ju duhet që të investoni më shumë energji sesa të tjerët në punët që po bëni.

Prania e një miku apo kolegu po fillon t’ju mërzisë. E kuptoni se pse janë pikëlluar dhe nervozuar, por thjesht biseda me ta po ju dërrmon emocionalisht. Vetëm ata nuk janë duke vuajtur tani. Do t’ju duhet të merrni frymë thellë për ta ruajtur durimin.

Nuk doni t’i riktheni mospajtimet dhe grindjet e vogla, por një person i afërt duket se do t’ia nisë përsëri. E dini mirë se bisedat thjesht do të sillen në një rreth vicioz, sikurse edhe më parë. Energjinë tuaj duhet ta shfrytëzoni për gjëra pozitive.

Nuk po dëshpëroheni nga mungesa e vlerësimit që po ju jepet për kohën dhe mundin që e keni dhënë prapa skene. Një projekt do të lansohet falë nismës suaj. Tani që është në rrugë e sipër, duket se njerëzit kanë harruar se ishit ju ai që e kishit nisur. Në çastin kur do ta vërejnë se sa shumë kanë nevojë për aftësitë dhe njohuritë tuaja, do ta ndryshojnë qasjen.

Nuk ka shpërthyer uji, as nuk është ndërprerë energjia elektrike, po diçka që po ndodh në shtëpi po shkakton tension. Ka mundësi se ka të bëjë me një keqkuptim për disa punë dhe po ju duket sikur liria për të bërë çfarëdo që doni, po ju merret. Një i afërm dominues po fillon t’ju nervozojë.

Po ndiheni të izoluar dhe kolegët tuaj po ju mbajnë larg punëve të rëndësishme. E dini se keni aftësi që do të mund t’i ndihmojnë këtij projekti. Miqtë duket se janë shumë të zënë për të folur me ju, e lë më për t’u takuar. Ndoshta po tregoheni shumë të ndjeshëm, por askush nuk e ka për synim t’ju bëjë të ndiheni kështu.

Po mundoheni shumë që ta arrini një synim të caktuar. Me këtë prioritet kryesor, do ta keni vështirë që të vëreni se çfarë po ndodh me të tjerët përreth. Po i hidhni themelet e disa planeve që do të ndikojnë në të ardhmen tuaj, kështu që doni që gjithçka të shkojë mirë.

Keni filluar të nervozoheni pasi nuk ka mbetur edhe aq shumë kohë, para se ta pranoni përgjigjen apo konfirmimin që po e prisni. Gjithçka po shkon mirë me planet që keni. Nuk jeni në humor të mirë për të dëgjuar thashetheme sepse keni gjëra më të rëndësishme për të bërë.