Presidenti i Serbisë, Aleksandar Vuçiq, ka komentuar deklaratat e presidentes së Komisionit Evropian, Ursula von der Leyen dhe presidentit të Këshillit Evropian, Antonio Costa, që kanë thënë se janë shokuar nga pamjet e djeshme të funeralit të kriminelit të luftës Ratko Mlladiq.
Mlladiq u varros të hënën në Beograd me nderime, përkundër thirrjeve nga Bashkimi Evropian që një i dënuar për gjenocid të mos glorifikohet. Mlladiq vdiq në fund të muajit të kaluar në Hagë ku po vuante burgim të përjetshëm për gjenocid. Ai njihej si "Kasapi i Ballkanit".
Vuçiqi tha se ka respekt për Von der Leyenin e Costan, duke thënë se ata “kanë qenë gjithmonë në anën e Serbisë”.
“Për këta dy persona nuk kam asgjë të keqe për të thënë. Ata kanë qenë gjithmonë në anën e Serbisë dhe do të respektoj çfarëdo që ata të thonë apo të bëjnë, ndaj meje apo ndaj kujtdo tjetër që është në pushtet në Serbi. Ata janë sjellë në mënyrë korrekte ndaj vendit tonë”, tha Vuçiqi për "RTS".
Duke folur për deklaratën, Vuçiqi tha se ajo ishte hartuar me kujdes.
“Unë do të veçoja prej saj diçka që nuk e kuptoj plotësisht. Si mendoni t’u përcaktoni njerëzve se kush mund të shkojë në funeral dhe kush jo, e pastaj të tronditeni nga pamjet nga Beogradi? Dhe në deklaratë thoni se kjo ndodh për shkak se dikush i glorifikon njerëzit si heronj”, tha Vuçiqi.
Presidenti i Këshillit Evropian Antonio Costa dhe presidentja e Komisionit Evropian Ursula von der Leyen, i kanë quajtur shokuese pamjet nga Beogradi, ku të hënën është varrosur me nderime të larta i dënuari për gjenocid, Ratko Mlladiq.
« Les images des funérailles de Ratko Mladic hier à Belgrade étaient choquantes. Ratko Mladic a été reconnu coupable de crimes de guerre. Il a été condamné à la prison à vie pour génocide, crimes de guerre et crimes contre l'humanité. Il est décédé alors qu'il purgeait sa peine pour le génocide de Srebrenica et d'autres crimes. Le soutien officiel et la présence de certains responsables serbes aux funérailles sont profondément regrettables. C'est un manquement à la responsabilité face à un chapitre sombre de la nouvelle histoire européenne et cela va à l'encontre des valeurs qui guident la Serbie vers l'UE », ont déclaré la présidente de la Commission européenne, Ursula von der Leyen, et le président du Conseil européen, António Costa, dans des messages similaires. « Nos pensées vont aujourd'hui aux victimes des crimes commis dans l'espace de l'ex-Yougoslavie », ont ajouté les deux dirigeants des principales institutions de l'Union européenne.
Vuçiqi theksoi se Serbia duhet të jetë e vetëdijshme për fuqinë e saj dhe “për raportin e madhësisë së Serbisë me Evropën”.
Ai tha se Serbia do të vazhdojë ta ruajë paqen dhe stabilitetin, të përparojë dhe ta forcojë ushtrinë e saj.
“Ata kanë krijuar aleanca ushtarake! Kroacia, Prishtina dhe Tirana, jo ne! Dhe tani thonë: Serbia po armatoset? Jo, ne do të shikojmë që të na shkelni dhe të kryeni agresion ndaj vendit tonë”, tha Vuçiqi.
Vuçiqi tha se zgjedhjet e parakohshme parlamentare në Serbi do të mbahen më 25 tetor.