-
Traduit par : Vita Abrashi-Kajtazi
- 7 octobre 2026 23:00
- Partager à:
Të jetosh më gjatë dhe të ruash shëndetin nuk do të thotë domosdoshmërisht të përdorësh suplemente të shtrenjta apo metoda të komplikuara. Sipas mjekut të jetëgjatësisë Michael Hall, zakonet bazë dhe të qëndrueshme mund të jenë shumë më të rëndësishme, ka shkruar FoxNews.
Pas gati dy dekadash pune në fushën e jetëgjatësisë, Hall ka përmbledhur këshillat e tij në 10 rregulla kryesore.
1. Kujdesu për atë që ushqen mendjen
Përmbajtjet që konsumohen çdo ditë, sidomos ato që nxisin frikë dhe negativitet, mund të ndikojnë në mënyrën se si mendojnë dhe sillen njerëzit.
“Duhet të jesh shumë i kujdesshëm me atë që fut në mendje. Ajo që mendon, bëhesh”, ka thënë ai.
2. Jepi përparësi gjumit
Gjumi është koha kur trupi rikuperohet dhe truri pushon. Një rutinë e rregullt gjumi dhe shmangia e ekraneve para gjumit mund të ndihmojnë në ruajtjen e ritmit natyror të trupit.
3. Bougez tous les jours
Ecja, noti, çiklizmi dhe ushtrimet e rezistencës ndihmojnë në ruajtjen e kondicionit fizik edhe në moshë të madhe.
“Lëvizja është jetë”, ka thënë Hall.
4. Ruaj forcën muskulore
Forca e muskujve ndihmon në mbajtjen e kockave, ekuilibrit dhe lëvizshmërisë. Ruajtja e saj mund të ulë rrezikun e dobësimit dhe rrëzimeve me kalimin e moshës.
5. Ha ushqim të vërtetë
Hall rekomandon ushqime sa më pak të përpunuara, por edhe kontrollin e porcioneve. Nuk është e nevojshme të heqësh dorë plotësisht nga ushqimet që të pëlqejnë.
Sipas Hall, ushqimi është ilaç, është karburant, është jetë.
6. Gjej një qëllim në jetë
Të kesh një qëllim apo një mision të jep arsye për të vazhduar përpara dhe për t’u ndier i dobishëm. Nuk është e nevojshme të bësh diçka të jashtëzakonshme; edhe puna dhe kujdesi për të tjerët mund të japin kuptim.
7. Mbaj marrëdhënie të mira me njerëzit
Vetmia mund të ndikojë negativisht në shëndet. Familja, miqtë dhe marrëdhëniet ku ndihesh i vlerësuar janë të rëndësishme për mirëqenien.
“Askush nuk plaket mirë i vetëm. Nuk jemi krijuar për të jetuar të izoluar”, ka thënë Hall.
8. Mos i shmang sfidat
Truri ka nevojë të stimulohet. Të mësosh gjëra të reja, të zgjidhësh probleme dhe të përfshihesh në aktivitete që të sfidojnë mund të ndihmojnë në ruajtjen e aftësive mendore.
9. Ruaje kureshtjen
Të eksplorosh, të mësosh dhe të provosh përvoja të reja mund të të mbajë aktiv dhe të lidhur me botën edhe në moshë të madhe.
“Kureshtja na lejon të eksplorojmë dhe të kuptojmë se gjithmonë ka diçka tjetër për të zbuluar. Nuk do të dish kurrë gjithçka, ndaj gjithmonë je në kërkim”, ka thënë eksperti.
10. Mbaje trupin sa më të shëndetshëm
Hall e përshkruan plakjen si një proces ku “hinka” e aftësive të trupit ngushtohet gradualisht. Qëllimi është ta mbajmë këtë “hinkë” sa më të gjerë për aq gjatë sa të jetë e mundur, përmes gjumit, ushqimit, aktivitetit fizik, marrëdhënieve dhe stimulimit mendor.
Në fund, Hall thotë se qëllimi nuk është thjesht të shtojmë vite në jetë, por të shtojmë jetë në ato vite.
“Ne ishim fëmijë dhe, në njëfarë mënyre, nuk u rritëm kurrë, thjesht trupat tanë u plakën”, ka thënë ai.