Revista e njohur prestigjioze amerikane “Forbes” ka publikuar listën e saj vjetore të vendeve më të mira në botë për të jetuar pas pensionimit. Ndër 24 shtetet e përzgjedhura nga të gjitha kontinentet, Shqipëria zë një vend të rëndësishëm në mesin e 12 destinacioneve kryesore evropiane.
“Forbes” ka analizuar 96 lokacione të ndryshme në botë në bazë të kostos së jetesës, cilësisë së kujdesit shëndetësor, lehtësisë së marrjes së lejes së qëndrimit, stabilitetit politik dhe klimës.
Katër qytetet shqiptare të rekomanduara
Për Shqipërinë, revista amerikane veçon katër qytete kryesore si zona me potencialin më të madh për të tërhequr të pensionuarit e huaj:
Tirana - si qendra kryesore urbane, kulturore dhe administrative;
aussi
Grand spectacle, une éclipse totale apparaît
Durrës - për afërsinë me kryeqytetin dhe daljen në det;
Vlora et Saranda - si perla të bregdetit jugor, të cilat ofrojnë klimë mesdhetare, plazhe të jashtëzakonshme dhe një stil jetese me kosto të përballueshme.
Kostoja e jetesës dhe lehtësia e procedurave
Sipas analizës së “Forbes”, avantazhet kryesore që e bëjnë Shqipërinë një nga zgjedhjet më të favorshme janë:
Kostoja e jetesës: Është dukshëm më e ulët se mesatarja e Shteteve të Bashkuara të Amerikës dhe shumë vendeve të Evropës Perëndimore.
aussi
Le grand spectacle céleste a lieu ce soir, voici à quelle heure il sera visible au Kosovo
Marrja e lejes së qëndrimit: Procedurat për marrjen e lejes së qëndrimit për pensionistët e huaj vlerësohen si relativisht të thjeshta dhe të lehta.
Kujdesi shëndetësor: Cilësohet si "i kënaqshëm dhe në përmirësim të vazhdueshëm".
Pozicionimi i Evropës dhe rajonit
Nga 24 shtetet e përfshira në listën e vitit 2026, gjysma e tyre ndodhen në Evropë. Përveç Shqipërisë, në listë figurojnë edhe Mali i Zi, Greqia, Italia, Qiproja, Portugalia, Spanja, Franca, Austria, Irlanda, Malta dhe Sllovenia.
aussi
« Un million d’euros à la poubelle », des éboueurs « sauvent » un billet de loterie en Italie
Ekspertët e “Forbes” vërejnë se rritja e kostos së jetesës në SHBA po nxit gjithnjë e më shumë amerikanë të kërkojnë alternativa jashtë vendit, ku Shqipëria po konsolidon pozitën e saj si një nga destinacionet më atraktive për nga raporti mes çmimit dhe cilësisë së jetës.
