Një person është plagosur me armë zjarri sot pasdite në rrugën “Dëshmorët e Hereqit” në Gjakovë, ka njoftuar zëdhënësja e Policisë së Kosovës për rajonin e Gjakovës, Vlera Krasniqi.
“Bazuar në informacionet fillestare, viktima ka pranuar tretman mjekësor, ndërsa i dyshuari është arrestuar. Të dy personat, viktima dhe i dyshuari, janë meshkuj, shtetas të Republikës së Kosovës dhe të moshës madhore. Njësitë relevante policore ndodhen në vendngjarje dhe janë duke ndërmarrë veprimet e nevojshme hetimore për trajtimin dhe sqarimin e plotë të rrethanave të rastit”, tha Krasniqi.
E Spitali “Isa Grezda” në Gjakovë njoftoi se sot rreth orës 16:25, në Shërbimin Emergjent është sjellë një i plagosur me armë zjarri. Ka njoftuar se gjendja e pacientit është stabile.
“Sot, rreth orës 16:25, në Shërbimin Emergjent të Spitalit të Përgjithshëm “Isa Grezda” në Gjakovë është sjellë një pacient i plagosur me armë zjarri. Menjëherë pas pranimit, pacientit i janë kryer të gjitha ekzaminimet dhe shërbimet e nevojshme mjekësore dhe i është ofruar trajtimi përkatës. Pacienti është i shtrirë në spital për trajtim të mëtejmë dhe gjendja e tij aktualisht është stabile”, u tha në njoftimin e Spitalit.
-
Une personne a été blessée à Ferizaj, le suspect est en fuite.
-
Un citoyen serbe a fait obstruction à des policiers en service et a été conduit au poste de police.
-
Des coups de feu ont été tirés à Mitrovica, des douilles de différents calibres ont été retrouvées.
-
Une personne est décédée dans un accident à Muhovc, Ferizaj
-
Un Serbe est arrêté à Mitrovica ; il a offert 20 euros au policier pour éviter une amende.