Dy persona janë arrestuar në fshatin Isniq në Komunën e Deçanit për shkak të kultivimit dhe posedimit të bimëve narkotike.
Sipas njoftimit nga Prokuroria Themelore në Pejë, të dyshuarit janë arrestuar gjatë një operacioni policor.
Gjatë realizimit të urdhër kontrollit, janë sekuestruar: shtatë bimë narkotike të kultivuara, 28.6 gramë substancë narkotike të llojit marihuanë dhe pajisje të tjera, të cilat dyshohet se janë përdorur për përpunimin e substancave.