Anglia e ka tejkaluar dëshpërimin e eliminimit në gjysmëfinale të Kupës së Botës dhe ka bërë hap të rëndësishëm para me paraqitjet në Ligën e Kombeve. Kështu ka thënë selektori i Anglisë, Thomas Tuchel.
Pasi pësoi 3:2 nga Spanja në ndeshjen e parë në Ligën e Kombeve, Anglia u përgjigj me fitore në shtëpi dhe në udhëtim ndaj Çekisë dhe me fitoren 7:0 ndaj Kroacisë. Ka shënuar 14 gola në katër ndeshjet e këtij grumbullimi.
Tucheli vazhdon të përballet me pyetje për humbjen 2:1 të Anglisë në gjysmëfinale nga Argjentina.
“Mendoj se është e domosdoshme të ecim para”, ka thënë Tuchel pas fitores 3:0 ndaj Çekisë, të martën mbrëma.
“Mund të përsëris se nuk jemi eliminuar në fazën grupore të Botërorit. Ndonjëherë ndihet ashtu, por nuk jemi eliminuar. Ka pasur kritika dhe skepticizëm përreth, por kam thënë se nuk duhet të fillojmë nga fillimi pasi mund të ndërtojmë nga ajo që kemi arritur së bashku. Kemi luajtur futboll të nivelit të lartë në Botëror”.
Sipas Tuchelit, Anglia e ka bërë hapin e radhës.
“Është gjithnjë me rëndësi të bëhet hapi i radhës. Përkushtimi i lojtarëve ishte në nivel të lartë dhe jam i lumtur që e kemi dëshmuar këtë në të gjitha katër ndeshjet”, ka theksuar tekniku gjerman.