Xherdan Shaqiri ka pësuar lëndim në dorë gjatë miqësores së Baselit ndaj Winterthurit.
Baseli të shtunën u mposht 7:3 nga Winterthurit.
Ishte debutim me humbje për trajnerin serb të Baselit, Slavisha Jokanoviq.
Shaqiri që është edhe kapiten i Baselit ka marrë një goditje që i ka shkaktuar një plagë në dorë.
“Blick” ka shkruar se për shkak të lëndimit, Shaqiri është dërguar në spital, ku plaga i është qepur.
Ende nuk dihet nëse ky lëndim do ta lërë Shaqirin jashtë fushës për një periudhë, ndërsa më shumë detaje priten pas ekzaminimeve mjekësore.