Hull City ka konfirmuar se Sorba Thomas ka shpëtuar mrekullisht dhe pa lëndime pasi vetura e tij afro 190 mijë euro, u përmbys, shkruan “Daily Mail” të premten.
Aksidenti i rëndë ka ndodhur në afërsi të qendrës stërvitore të klubit.
Tifozët janë tmerruar nga pamjet e aksidentit të 27-vjeçarit me veturën e tij Land Rover Defender.
Dëshmitarët e rastit kanë thënë se vetura ka qenë duke lëvizur me shpejtësi shumë të madhe kur është përplasur.
Hull City ka konfirmuar se Thomas, i cili u transferua për 11.6 milionë euro në ditën e fundit të afatit kalimtar veror nga Stoke City, nuk është i lënduar.