Kylian Mbappe nuk do t’i nënshtrohet operimit në gju, pas lëndimit të pësuar gjatë angazhimit me Përfaqësuesen e Francës.
Sulmuesi i Real Madridit pritet të mungojë për rreth dy javë.
Ekzaminimet mjekësore nuk kanë zbuluar dëmtim që do të kërkonte ndërhyrje kirurgjikale për yllin francez.
27-vjeçari Mbappe u lëndua të premten e kaluar në fitoren 1:0 të Francës ndaj Turqisë. Madje Mbappe e kishte realizuar golin e fitores për francezët.
Në këtë fazë, sulmuesi francez do të vazhdojë me trajtimin, ndërsa stafi mjekësor i Realit do ta përcjellë nga afër gjendjen e tij.
Në Madrid shpresojnë që Mbappe të jetë i gatshëm për ndeshjet e rëndësishme të skuadrës.
Mbappe është sulmuesi kryesor i “Los Blancos”.