Joshua Kimmich nuk do të luajë për Bayern Munichun sonte nga ora 21:00 ndaj Arsenalit, pasi i vdiq babai.
Lajmi për vdekjen e babait të Kimmichut dhe mungesës së tij u bë i ditur të mërkurën në mëngjes nga klubi bavarez.
“I gjithë ekipi i Bayern Munichut është me Joshua Kimmichun”, ka shkruar Bayerni, ndërsa ka kërkuar që të respektohet privatësia e tij.
Kimmich mungoi edhe në stërvitjen e së martës, ndërsa Bayerni shkroi se mungoi për arsye personale.
Bayernit sonte i mungon edhe Michael Olise për shkak të suspendimit.