Kanë dalë në shitje biletat për ndeshjen ndërmjet Kosovës dhe Izraelit.
Federata e Futbollit e Kosovës ka publikuar çmimin e biletave për ndeshjen e parafundit të Grupit B3 të Ligës së Kombeve.
Një biletë për veri dhe jug kushton nga 20 euro. Biletat në lindje kushtojnë 30 euro, perëndim 50 euro, ndërsa bileta VIP kushton 150 euro.
Rritja e çmimit të biletave u përcoll me kritika të shumta.
Ndeshja e 14 nëntorit kundër Izraelit në Ligën e Kombeve, për Kosovën është e fundit në Prishtinë. Më 17 nëntor, Kosova e luan në Dublin ndeshjen e fundit të edicionit të pestë të Ligës së Kombeve.
