Dy golat ndaj Sassuolos, kanë përmirësuar situatën e Edon Zhegrovës te Juventusi.
Por e ardhmja e tij në klubin nga Torino nuk është plotësisht e sigurt, shkruan “Tuttomercatoweb” të martën. Emri i Zhegrovës vazhdon të përmendet për një lëvizje në afatin kalimtar të janarit.
Sipas raportimeve të fundit, Atalanta po ashtu po e monitoron situatën.
Klubi nga Bergamo po e shqyrton një huazim me opsion për ta blerë kartonin e sulmuesit të krahut. Por nuk ka ende ndonjë kontakt zyrtar apo ofertë për Juven. Çdo gjë mund të varet nga situata e dy klubeve në janar, shkruan mediumi italian.