Një lum i madh në Nepal ka dalë nga shtrati, duke rrëmbyer shtëpi dhe ura, si dhe duke dëmtuar një pjesë të një hidrocentrali, kanë bërë të ditur autoritetet.
Rreth 50 persona janë shpëtuar përgjatë brigjeve të lumit Budhi Gandaki, në distriktin Gorkha, në pjesën qendrore të vendit, ka konfirmuar ushtria nepaleze. Deri më tani nuk janë raportuar viktima, por pesë persona rezultojnë të zhdukur.
Pamjet e publikuara nga përmbytjet tregojnë momentin kur ujërat e rrëmbyeshme zbresin nëpër një luginë, duke marrë me vete një kompleks të tërë ndërtesash.
Nepali ndodhet në gjendje të lartë gatishmërie, ndërsa vazhdon përpjekjet për rimëkëmbje nga përmbytjet katastrofike që goditën qytetet kufitare me Tibetin dy muaj më parë. Ato përmbytje lanë më shumë se 1.400 persona të vdekur dhe mijëra të tjerë të zhdukur.
Përmbytjet e së dielës përfshinë distriktin Gorkha, në një kohë kur fëmijët dhe komunitetet lokale po përgatiteshin të shënonin ditën e parë të festivalit Dashain, një nga festimet më të rëndësishme në kalendarin nepalez.
Shumë familje janë detyruar të largohen nga shtëpitë e tyre, ndërsa përballen me pasigurinë se ku do të gjejnë strehim të sigurt dhe furnizime me gjërat e domosdoshme.
Sipas Autoritetit Kombëtar për Reduktimin dhe Menaxhimin e Rrezikut nga Fatkeqësitë, përmbytjet kanë rrëmbyer rreth një duzinë shtëpish dhe disa ura të varura. Gjithashtu, është dëmtuar një projekt hidroenergjetik, ku ujërat kanë marrë me vete një pjesë të pajisjeve të ndërtimit.
Autoritetet kanë bërë të ditur se, brenda vetëm disa orësh, niveli i ujit në një pikë të lumit është rritur nga dy metra në afro 8.5 metra.
🚨🌊 Catastrophic flooding in Nepal yet again.
— Volcaholique 🌋 (@volcaholic1) 11 octobre 2026
A flash flood on the Budhi Gandaki early this morning swept away about 35 to 40 homes in Gorkha, and a local official says around 150 more were flooded downstream at Arughat. Six bridges are gone, 10 people are missing, and army…