Qeveria e Singaporit ka vendosur të rrisë pagat vjetore të ministrave dhe zyrtarëve të tjerë të lartë, përfshirë kryeministrin Lawrence Wong, i cili është lideri politik më i paguar në botë.
Wong do të përfitojë një rritje prej rreth 1 milion eurosh në vit. Ai ka deklaruar se këtë rritje do ta dhurojë për bamirësi gjatë pesë vjetëve të ardhshme.
Wong ka argumentuar se rritja e pagave të ministrave është e nevojshme për të tërhequr njerëz më të aftë në drejtimin e vendit. Qeveria e Singaporit ka mbrojtur prej vitesh pagat e larta të zyrtarëve, duke argumentuar se ato ndihmojnë edhe në parandalimin e korrupsionit.
Megjithatë, vendimi ka nxitur edhe kritika, ku shqetësimet për sigurinë e vendeve të punës dhe rritjen e kostos së jetesës janë të mëdha.
Edhe para kësaj rritjeje, Wong është dukshëm lideri politik më i paguar në botë. Aktualisht, ai merr rreth 2.2 milionë euro në vit.
Kjo përbën një rritje prej më shumë se 60 për qind.
Pas Wong në listën e liderëve politikë më të paguar renditet shefi ekzekutiv i Hong Kongut, John Lee, me rreth 719 mijë euro në vit, ndërsa presidenti i Zvicrës, Guy Parmelin, merr rreth 606 mijë euro.
Presidenti i Shteteve të Bashkuara, Donald Trump, ka një pagë vjetore prej 400 mijë eurosh, ndërsa kryeministri britanik Andy Burnham merr rreth 230 mijë euro në vit.