Po vazhdon përshkallëzimi i protestës në Shqipëri në ditën e gjashtë të saj. Protestuesit kanë hedhur breshëri molotovësh drejt Policisë, e cila qëndronte e rreshtuar përballë tyre.
Pas hedhjes së molotovëve, flakët kanë shpërthyer te këmbët e policisë, ndërsa menjëherë ndaj protestuesve është hedhur ujë me presion, duke nisur shpërndarjen e tyre.
Ndërkohë policia nisi edhe sot të qëllojë me plumba gome drejt protestuesve të dhunshëm, me qëllim që t’i shpërndajë ata.
Protestuesit u përgjigjen me gurë, ndërsa këta të fundit i përdorin edhe për goditjen e institucioneve të ndryshme shtetërore.
Protestuesit kanë hedhur në mes të rrugës barriera metalike dhe kosha plehrash, këtyre të fundit më pas u kanë vënë edhe flakën.
