Ish-deputeti i Partisë Demokratike të Kosovës, Bekim Haxhiu, e ka kërkuar dorëheqjen e krejt kryesisë së partisë, pas vendimit për t’i rikthyer për rishqyrtim ndryshimet në Ligjin për Gjykatën Speciale.
Gjatë ditës presidentja Justina Shiroka-Pula riktheu ligjin në Kuvend me kërkesë të PDK-së për siç u tha, t’i adresuar disa elemente që mund të jenë pengesë për zbatimin e ligjit.
Pas kësaj Haxhiu ka kërkuar dorëheqjen e kryesisë së partisë së tij.
“Krejt kryesia e PDK-së duhet të japë dorëheqje sonte, deri në orën 24:00. Këshilli Drejtues duhet të mblidhet brenda 48 orëve dhe të caktojë një kryesi të provizore, me mandat të qartë për ta udhëhequr partinë deri në mbajtjen e zgjedhjeve të reja. Me UÇK-në, me fatin e krerëve të UÇK-së dhe me të ardhmen e Kosovës nuk mund të luhet për interesa politike, këtu nuk e tolerojmë askënd. Këto janë çështje që prekin themelet e lirisë, sakrificën e popullit tonë dhe dinjitetin e shtetit tonë. Kërkesa është e qartë, dorëheqje sonte, mbledhje e Këshillit Drejtues brenda 48 orëve. Është koha për përgjegjësi dhe vendime konkrete”, ka shkruar ai në Facebook.
