Hoti à propos de Kurti : Seul un opposant à l’existence de l’État peut saper l’ordre constitutionnel dans cette situation.

Sipas deputetit të Lidhjes Demokratike të Kosovës, Avdullah Hoti, i gjithë procesi i themelimit të institucioneve që duhet të dalin nga zgjedhjet “është në terren jokushtetues”. Ai ka dhënë tri arsye për këtë.

Hoti ka thënë se Kuvendi nuk është themeluar brenda afatit kushtetues prej 30 ditësh nga certifikimi i zgjedhjeve, andaj sipas tij, “kurdo që konstituohet, ai mund të kontestohet”. 

Së dyti, ka thënë Hoti, funksionimi i Qeverisë në detyrë është jokushtetues pasi kryeministri në detyrë dhe disa ministra janë betuar si deputetë, dhe sipas ligjit nuk kanë të drejtë të ushtrojnë funksione në qeveri. Hoti ka deklaruar se vendimet e kësaj qeverie janë “qartësisht të kontestueshme” dhe se për këtë ka një aktgjykim të Gjykatës Supreme. 

Ndërsa të tretën si jokushtetuese Hoti ka renditur si arsye ushtrimin e detyrës së presidentes. Ai ka thënë se nga betimi si deputete, ish-kryetarja e Kuvendit nuk mund të ushtrojë detyrën e presidentes.

“Ajo nuk është më Kryetare e Kuvendit, pasi ajo legjislaturë është mbyllur me dhënien e betimit të 120 deputetëve të ri”, ka shkruar ai. 

“Shkaktari është Kurti dhe të gjithë ata që e pasojnë. Vetëm dikush që kundër vetë ekzistencës së shtetit të Kosovës e katandis rendin kushtetues në këtë gjendje kaosi dhe jokushtetutshmërie”, ka deklaruar Hoti.