Hamza : Le manque de volonté politique de VV concernant cette loi contribue à la déstabilisation.
Avant la réunion à la présidence, le président du Parti démocratique du Kosovo, Bedri Hamza, a déclaré que leur demande était de convoquer une session et de voter sur la deuxième lecture de la loi sur les chambres spécialisées.
Ai ka thënë se nuk ka pasur komunikim me Vetëvendosjen, teksa Kosova ka hyrë në ditën e fundit për zgjedhjen e presidentit ose vendi shkon në zgjedhje të reja. PDK-ja ka kërkuar që me urgjencë të miratohen ndryshimet në ligjin për Specialen. Ka thënë se VV-ja me mosmbështetje për lexim të dytë me urgjencë të këtij ligji, po “kontribuon në destabilizim”.
“Jo, nuk kemi pasur komunikim. Kërkesa jonë është e qartë: të thirret seanca, ligji të votohet në lexim të dytë. Nuk ka asnjë vështirësi, asnjë pengesë. Nëse ka pasur çfarëdo pengese apo çfarëdo dileme, pse ka kaluar në lexim të parë? Po bëjka të kalojnë të gjitha procedurat, dhe sot në fazën finale nuk po kalojka. Janë çështje të ndara. Kemi thënë vazhdimisht se ligji duhet të aprovohet. Nuk i takon një partie. S’është ligji për PDK-në. UCK-ja ka ekzistuar para se të ekzistojë PDK-ja e partitë tjera”, ka thënë ai para mbledhjes së Kryesisë së Partisë.
Hamza i ka bërë ftesë kryeministrit Albin Kurtit, Kuvendit dhe kryeparlamentares Albulena Haxhiu të thërrasin seancë për Ligjin. Sipas tij, kjo çështje nuk lidhet me atë të presidentit.
“Normalisht janë çështje të ndara. Ka koincidu. Vendi ka mundur të ketë presidentin. Prapë do të kërkonim ligjin. Kërkesa jonë është kjo. Nuk ka pengesa tjetër, përveç mungesës së vullnetit të partisë shumicë në pushtet. Do ta kuptoja sikur të thonin është problematike e nuk mundem dhe nuk bën, derisa ka kaluar në lexim të parë. Por tash është mungesë e vullnetit politik dhe është një kontribut për destabilizimin e vendit dhe çështje që s’po duan ta kryejnë. Presidenti është çështje e ndarë. Le të kryhet ligji, atëherë janë në radhë edhe presidenti e të tjera”, ka shtuar Hamza.
Ai ka thënë se Vetëvendosje po vendos kritere të ndryshme ndaj PDK-së dhe tjera ndaj LDK-së për çështjen e presidentit.
Sipas tij, partia e Kurtit është përgjegjëse për situatën në vend.
Ndërsa deputeti Përparim Gruda ka thënë se do të japin llogari para ligjit, sipas tij, urdhërdhënësit politik dhe ata që kanë ushtruar dhunë ndaj protestuesve.
“Ata që kanë dhënë urdhër politik dhe ata që kanë ekzekutuar për t’ rrahur qytetarët e Kosovës barbarisht, për t’i rrahur veteranët e UÇK-së, do të japin llogari para ligjit”, ka thënë ai.
Një ditë më parë në Prishtinë protestat me kërkesën për ndryshimin e ligjit të Speciales përshkallëzuan me disa të lënduar.
