Bushkolaj à propos de l'affaire Hysen : Un très gros scandale, qui nuit à l'ensemble du facteur albanais

Gazetari në Shqipëri, Elkier Bushkolaj, ka thënë se skandali me ish-drejtoreshën e Shërbimit Informativ të Shqipërisë, Vlora Hyseni, ka thënë se është skandal i përmasave shumë të mëdha dhe i bën dëm gjithë faktorit shqiptar. 

Hysenit të enjten iu vazhdua masa e arrestit shtëpiak.  Hyseni u shkarkua të martën nga detyra e drejtueses së shërbimit sekret të vendit, pasi gjykata urdhëroi vendosjen e saj në arrest shtëpiak, nën dyshimin se ka nxjerrë të dhëna të klasifikuara në kuadër të një hetimi më të gjerë për korrupsion.

“Është një skandal i përmasave shumë të mëdha, që i bën dëm gjithë faktorit shqiptar...Është skandal i përmasave jashtëzakonisht shumë të rënda, tregon dobësimin e gjitha hallkave ligjzbatuese në vend”, tha Bushkolaj në “Konfront” të KTV-së. 

Dyshohet se të dhëna sekrete i janë dorëzuar Ergys Agasit, një prej biznesmenëve të përfshirë në hetimin lidhur me një rast korrupsioni në Agjencinë Kombëtare të Shoqërisë së Informacionit (AKSHI), ku po hetohen dyshime për veprimtari kriminale dhe manipulim të procedurave të prokurimit publik.

Një numër zyrtarësh shtetërorë dhe biznesmenësh janë arrestuar ose po hetohen për keqpërdorim të parave publike në AKSHI.

aussi Arberi 9o. avant L'assignation à résidence de Hysen a été prolongée.

Hetimi ndaj Hysenit ka ngritur pikëpyetje edhe për sigurinë institucionale dhe kombëtare të Shqipërisë.
Bushkolaj ka thënë se kur u bë iniciativa “Ballkani i Hapur”, pati kryqëzim të grupeve kriminale shqiptare, me ato serbe e malazeze të përfshira në trafikun ndërkombëtar të drogës. 

“Këtë e konstatoi edhe vet Departamenti Amerikan i Shtetit...Ka dyshime se grupet sllave, ato serbe e malazeze, e kanë përdorur Portin e Durrësit si pikë tranzit për të trafikuar sasi të mëdha lëndësh narkotike drejt vendeve të BE-së, e duke sjellë fuqizimin e këtyre grupeve”, tha Bushkolaj. 

Vlora Hyseni kishte drejtuar SHISH-in që nga viti 2023.

Më parë, ajo kishte shërbyer si zëvendësdrejtoreshë e Agjencisë së Kosovës për Inteligjencë (AKI).
Hyseni u shkarkua nga ky post në vitin 2021 nga presidentja e Kosovës, Vjosa Osmani, dhe kryeministri Albin Kurti.

aussi Arberi 22 2026 Rama limoge la directrice de SHISH, Vlora Hyseni, de son poste

Qeveria e Kosovës nuk dha hollësi për arsyet e shkarkimit. Në komunikatën e atëhershme thuhej se vendimi ishte mbështetur në Ligjin për AKI-në. Në të njëjtën komunikatë përmendej se “zbulimi ose mosruajtja e informacioneve të klasifikuara” përbënte vepër penale sipas legjislacionit në fuqi.
Pas largimit nga AKI-ja, Hyseni u bë këshilltare për sigurinë kombëtare e kryeministrit Edi Rama në shtator të vitit 2021.

Në vitin 2023, ajo u emërua drejtuese e SHISH-it në Shqipëri. Para dekretimit të saj, opozita shqiptare i kishte kërkuar presidentit Bajram Begaj të merrte informacione për arsyet e shkarkimit të Hysenit nga AKI-ja.