Bashkimi Evropian nuk ka dashur ta komentojë nismën e Partisë Demokratike të Kosovës të dërguar në Kuvendin e Kosovës për plotësim-ndryshimin e Ligjit për Dhomat e Specializuara.
Zëdhënësi i BE-së për Politikë të Jashtme dhe Siguri, Christian Wigand, në konferencë për media të martën ka thënë se BE-ja nuk komenton për njoftime apo plane. Por, Wigand ka thënë se mbështetja e BE-së për Dhomat e Specializuara të Kosovës mbetet.
Ka thënë se Gjykata Speciale është institucion i pavarur juridik, që operon brenda sistemit ligjor të Kosovës dhe se puna e saj është përkrahur nga BE-ja.
“E siç e kam theksuar edhe më parë këtu, personat e dënuar në shkallën e parë, sigurisht që kanë të drejtë ta apelojnë aktgjykimin para gjyqtarëve të pavarur të Apelit, në një panel të veçantë të Dhomave të Specializuara të Kosovës. Por, përsëri, mendoj se mbështetja jonë për Dhomat është e qëndrueshme dhe do të vazhdojë”, ka thënë Wigand.
Wigand ka thënë se Dhomat e Specializuara po japin drejtësi duke zhvilluar procedura gjyqësore të drejta, të paanshme dhe të pavarura, bazuar në parimin e përgjegjësisë individuale.
“E përsërisë se personat e dënuar kanë të drejtë të apelojnë kundër aktgjykimit”, ka thënë Wigand.
Më 16 shtator, Specialja dënoi në total me 81 vjet burgim ish-krerët e Ushtrisë Çlirimtare të Kosovës për krime lufte. Hashim Thaçi e Jakup Krasniqi u dënuan me nga 25 vjet burgim, Kadri Veseli me 18 vjet e Rexhep Selimi me 13.
Wigand nuk ka dashur të komentojë edhe në lidhje me pyetjen nëse Prokuroria ka plotësuar mandatin për t'i ndjekur të gjitha krimet e luftës të pretenduara gjatë periudhës 1998/99.
Partia Demokratike të Kosovës përmes ndryshimeve ligjore, synon kufizim të mandatit të Speciales dhe monitorim ndërkombëtar të punës së saj.
Lundi, le chef du PDK, Bedri Hamza, a annoncé qu'ils avaient déposé à l'Assemblée une initiative visant à modifier la loi sur les chambres spécialisées et le parquet spécialisé.
Hamza a déclaré que, puisque la Chambre spéciale a été créée pour traiter les allégations soulevées dans le rapport de Dick Marty, les accusations liées au trafic d'organes et aux crimes contre l'humanité devraient être jugées à La Haye, tandis que les affaires liées aux crimes de guerre devraient être transférées au Kosovo.