Blend Bytyqi ka shkuar në shkollë si çdo fëmijë tjetër. Veçse që i vogël ka pas dëshirë që t’i lyejë thonjtë. Tash vazhdon studimet ashtu si çdo student tjetër. Veçse i pëlqen të lyejë sytë, e ndonjëherë edhe buzët.
Kjo, thotë Blendi, e bën më ndryshe, ashtu siç janë të gjithë – ndryshe nga njëri-tjetri.
Ai sot është aktivist i të drejtave të njeriut, veçanërisht komunitetit LGBTQ dhe themelues i kolektivit “Hyjneshat”, të cilët organizojnë ngjarje të llojit “Drag”, për dhe me pjesëtarët e këtij komuniteti.
Para 20 vitesh, ngjarjet e tilla, siç kujton Blendi, organizoheshin në shtëpi private dhe në fshehtësi të plotë, për shkak të rrezikut se do të provokonin incidente. Sot, aktivitetet e tilla mbahen haptas.
“Me gjet veten duhet goxha shumë kohë”, thotë Blendi. Nganjëherë ky mision duket gati se i pamundur. Por ai beson që pjesëtarët e këtij komuniteti nuk duhet ta shohin si sfidë pohimin e orientimit seksual.
Sipas tij, e rëndësishme është të jesh vetvetja, pavarësisht si dukesh apo si vepron.
“E edhe më e rëndësishme është të ndihesh rehat nën lëkurën tënde”.
-
1 tetor 2020 20:41
-
Shpërndaje në: