Dhoma ku ndodhet piano është vendi i saj i preferuar.
Takimi i gishtërinjve të saj me tastet e pianos është ndjesia që e përmbush më së shumti.
Ensa Shala, e cila është nxënëse e shkollës fillore të muzikës në Gjilan, çdo ditë e më shumë po e zhvillon veten përmes krijimit të tingujve, transmeton KOHA.
Ajo deri tash ka marrë 20 mirënjohje e së fundmi ka triumfuar me vendin e parë në shkollën “Amadeus Vienna” në Austri. Ensa karakterizohet nga këmbëngulësia për t’i përvetësuar veprat muzikore.
Mësuesja Hajrije Bislimi e ka përcjellë që nga hapat e parë në muzikë, ndërsa vlerëson se Ensa është një talent premtues në piano.
11-vjeçarja nga Gjilani ëndërron që talenti i saj t’i kapërcejë kufijtë gjeografikë.
Ensa Shala më 28 gusht do të paraqitet edhe në një garë ndërkombëtare të pianos në Poloni.
-
28 gusht 2020 12:26
-
Shpërndaje në: