Zendaya se retira de las redes sociales.

Artistja Zendaya ka vendosur të bëjë një tjetër pauzë nga rrjetet sociale, duke zgjedhur të qëndrojë larg vëmendjes online, ka shkruar MujerPrimero.

Në ditëlindjen e saj të 30-të, nëna e aktores, Claire Stoermer, ka publikuar në Instagram një fotografi të Zendayas kur ishte fëmijë, duke i uruar ditëlindjen.

“Gëzuar 30-vjetorin dashurisë dhe dritës së jetës sime! Edhe pse nuk je më në rrjetet sociale dhe nuk do ta shohësh këtë postim, sapo folëm në ‘FaceTime’!”, ka shkruar ajo.

Megjithatë, Zendaya bëri përjashtim për ditëlindjen e saj dhe u rikthye për pak kohë në Instagram. Ajo publikoi një foto nga fëmijëria.

“Nuk mund t’ju falënderoj mjaftueshëm që e bëtë vitin e fundit të të 20-ave kaq të bukur. Kam kaq shumë për të cilat jam mirënjohëse dhe kaq shumë gjëra që mezi pres. Me dashuri, si gjithmonë… gëzuar për 30-vjetorin!!!!!”, ka shkruar aktorja dhe këngëtarja amerikane.

Postimi u mbush me urime nga fansat, të cilët e cilësuan aktoren si frymëzim dhe ikonë.

Kjo nuk është hera e parë që Zendaya largohet nga rrjetet sociale. Në vitin 2021, ajo ka treguar se bën herë pas here pushime nga platformat online për t’u kujdesur për mirëqenien e saj emocionale.

Aktorja ka rrëfyer se rrjetet sociale mund ta bëjnë të ketë ankth dhe ta shtyjnë të mendojë më shumë seç duhet.

“Kam qenë gjithmonë një fëmijë i turpshëm. Të qenit në rrjetet sociale ndonjëherë më shkaktonte ankth dhe filloja të mendoja tepër për gjërat”, ka thënë ajo.

Zendaya ka thënë gjithashtu se fansat e saj e kuptojnë këtë zgjedhje dhe duan që ajo të jetë e lumtur edhe jashtë rrjeteve sociale.

“Nuk kam postuar dhe fansat e mi ndoshta nuk e pëlqejnë këtë, gjë që e kuptoj. Por ndihem shumë e mbingarkuar kur duhet të postoj vazhdimisht. Nëse filloj të mendoj shumë për këtë, thjesht nuk e bëj. Nuk ia vlen”, pati thënë ajo në një intervistë.