-
Traducido por: Vita Abrashi-Kajtazi
- 14 agosto 2026 23:30
- Compartir a:
Aktori i njohur Matthew McConaughey ka ndarë disa këshilla me djalin e tij 18-vjeçar, Levi, i cili po ndjek hapat e tij në Hollywood.
McConaughey, 56 vjeç, ka theksuar se refuzimi është pjesë e pashmangshme e karrierës së një aktori, ka shkruar MujerPrimero.
“Duhet të jesh në gjendje të përballosh refuzimin. Kjo është pjesë e kësaj pune. Duhet të shpresosh se e do aq shumë këtë profesion dhe procesin, saqë edhe shumë ‘jo’ nuk të ndikojnë. Përndryshe, ndoshta nuk është për ty. Mua më kanë mësuar se në Hollywood nuk ka tabela ku shkruan: ‘Kërkohet staf’.”
Sipas tij, për të pasur sukses në industrinë e filmit duhen guxim, këmbëngulje dhe gatishmëri për të rrezikuar.
“Është më mirë të bësh figurë të keqe dhe të zbulosh diçka të re, sesa të largohesh nga një audicion duke menduar: ‘E kisha atë moment, por hezitova’. Bëni gabime. Dështoni më shumë. Provoni dhe dështoni më shumë. Askush nuk ju kushton aq shumë vëmendje sa mendoni”, ka thënë ai.
además
Chalamet de McConaughey habla sobre la IA: No la nieguen, pero mantengan la integridad artística
Megjithatë, McConaughey dëshiron që Levi të ndjekë rrugën e tij, dhe jo thjesht të bëhet aktor sepse i ati është një yll i Hollywoodit.
“Nuk e di nëse kjo është diçka që ai do të zgjedhë si karrierë. Unë dhe Camila do të bëjmë gjithmonë më të mirën për t’u hapur dyer fëmijëve tanë. Pastaj u takon atyre të vendosin se çfarë do të bëjnë me ato mundësi”, ka thënë ai.
Matthew dhe Levi kanë luajtur së bashku në filmin e vitit 2025 “The Lost Bus”.
McConaughey ka treguar se gjatë xhirimeve i ka thënë të birit se do ta ndihmonte kur të kishte nevojë, por në momentin që kamerat do të ndizeshin, ai do të duhej të qëndronte vetë në këmbë.
“Mund të të ndihmoj dhe të të mësoj atë që di. Por kur të vijë dita e xhirimit, nuk do të jem aty si rrjet sigurie”, ka thënë ai.
además
Matthew McConaughey patenta la frase "Está bien, está bien, está bien".
Dhe Levi, sipas tij, ia doli.
“Ai nuk më shikonte për të pyetur: ‘A ishte mirë? Si dola?’ Ai punonte me regjisorin, ndërsa unë u ula mënjanë si një baba krenar dhe mendova: ‘Ja ku e kemi’”, ka thënë ai.
