Vokalisti i grupit U2, Bono, ka thënë se “nuk mund ta dëgjojë” këngën e fundit të Dolly Parton, të cilën ajo e regjistroi vetëm dy muaj para vdekjes, së bashku me grupin.
Kënga titullohet “Torn” dhe është pjesë e albumit të ri të U2 “Carnaval De Luz”, i cili pritet të publikohet më 13 nëntor dhe është albumi i 16-të në studio i grupit.
Legjenda e muzikës country vdiq në gusht, pas një beteje me kancerin, dhe tani është bërë e ditur se ajo e la mënjanë sëmundjen e saj për të regjistruar këngën.
Kënga është regjistruar në qershor, vetëm dy muaj para vdekjes Parton, raporton Femalefirst.
Bono ka rrëfyer tani se ende nuk mund ta dëgjojë këngën, sepse është tepër emocionale për të.
“Kur u sëmur, ajo u ngrit nga shtrati për ta kënduar këtë këngë. Dhe këtë mund ta dëgjosh në këngë. Madje tani as nuk mund ta dëgjoj”, i ka thënë ai revistës “Rolling Stone”.
Këngëtari tregoi se kishte folur me Dollyn për të bashkëpunuar me të në një projekt tjetër, i cili frymëzohej nga muzika tradicionale irlandeze, por se në fund ajo i ofroi këngën e saj “Torn”, e cila u regjistrua së bashku me U2.
Duke folur për interpretimin e saj, Bono tha se “ajo këndoi me gjithë shpirt dhe nuk mund ta besoj që ajo ishte një grua 80-vjeçare”.
“Është shumë prekëse të kesh pasur këto momente kaq të afërta me një figurë të tillë. Fakti që tani ajo nuk është më këtu dhe se nuk mund ta rikthesh në asnjë mënyrë tjetër, përveçse përmes këngëve të saj, është shumë tronditës”, ka shtuar ai
Dolly arriti ta miratonte versionin përfundimtar të këngës përpara vdekjes së saj, ndërsa producenti i albumit, Garret Lee, zbuloi se legjenda e muzikës ishte “shumë e lumtur” me rezultatin përfundimtar.
“Dollyt i pëlqeu shumë. Ajo ishte shumë krenare për vokalin dhe regjistrimin e saj. Ishte jashtëzakonisht e lumtur me të. Ne ishim shumë të shqetësuar se mund të mos e miratonte ose se mund të ndihej në siklet me të, por asaj i pëlqeu”, tha ai.