-
Traducido por: Vita Abrashi-Kajtazi
- 19 octubre 2026 21:22
- Compartir a:
Kontrolli i sheqerit në gjak është i rëndësishëm jo vetëm për personat me diabet. Sipas Qendrës Amerikane për Kontrollin dhe Parandalimin e Sëmundjeve (CDC), më shumë se dy në pesë të rritur në SHBA kanë paradiabet, por shumica nuk e dinë këtë, ka shkruar Comiendo bien.
Paradiabeti rrit rrezikun për zhvillimin e diabetit të tipit 2, sëmundjeve të zemrës dhe sulmit në tru. Megjithatë, ushqyerja e shëndetshme mund të ndihmojë në kontrollin e nivelit të glukozës.
“Karbohidratet, sidomos lloji i tyre, kanë ndikimin të menjëhershëm në nivelin e sheqerit në gjak”, ka shpjeguar dietologia Amanda Sauceda.
Ekspertët e ushqyerjes rekomandojnë pesë ushqime që ia vlen të përfshihen rregullisht në dietën javore.
1. Avena
Tërshëra është e pasur me beta-glukan, një lloj fibre të tretshme që ngadalëson përthithjen e karbohidrateve. Kjo mund të ndihmojë në parandalimin e rritjes së menjëhershme të sheqerit në gjak pas vakteve dhe në përmirësimin e ndjeshmërisë ndaj insulinës.
Për më shumë përfitime, zgjidhni tërshërën natyrale, në vend të produkteve të çastit me shije, të cilat shpesh përmbajnë sheqerna të shtuara.
Mund ta konsumoni në mëngjes me kos, fruta ose arra, apo ta përdorni për përgatitjen e vakteve të shëndetshme në vend të miellit.
2. Frutas de montaña
Boronicat, dredhëzat, mjedrat dhe frutat e tjera të malit përmbajnë fibra dhe polifenole, përbërës bimorë që mund të kenë efekte të dobishme për shëndetin.
“Boronicat përmbajnë antocianina, të cilat u japin ngjyrën karakteristike dhe mund të ndihmojnë në uljen e inflamacionit, si dhe të ofrojnë përfitime për kontrollin e sheqerit në gjak”, shpjegon Sauceda.
Këto fruta mund t’i shtoni në tërshërë, kos ose sallata, apo t’i konsumoni si mesvakt së bashku me një grusht arra.
3. Frijoles y lentejas
Fasulet dhe thjerrëzat janë burime të mira të fibrave dhe proteinave bimore. Kombinimi i tyre ndihmon në ngadalësimin e tretjes dhe mund të kontribuojë në një rritje më të qëndrueshme të sheqerit në gjak.
Një përmbledhje studimesh e vitit 2022 ka treguar se konsumimi i bishtajoreve, përfshirë fasulet, thjerrëzat dhe qiqrat, lidhej me përmirësimin e kontrollit të sheqerit në gjak, si pas vakteve, ashtu edhe në periudhë më të gjatë.
“Bashkimi i fibrave me proteinat bimore ndihmon në ngadalësimin e tretjes dhe në mbajtjen më të qëndrueshme të sheqerit në gjak”, ka thënë dietologia Melissa Mitri.
Shtojini në supa, sallata, gjellë ose vakte me drithëra. Janë ushqime të përballueshme, të shëndetshme dhe të lehta për t’u përdorur gjatë javës.
4. salmón
Peshku salmon është i pasur me proteina dhe acide yndyrore omega-3, të cilat ndihmojnë shëndetin e zemrës dhe kanë veti anti-inflamatore.
“Kur salmoni konsumohet së bashku me karbohidratet, proteinat mund të ndihmojnë në përmirësimin e reagimit të sheqerit në gjak, sepse ngadalësojnë përthithjen e karbohidrateve”, ka shpjeguar Sauceda.
Salmoni mund të përgatitet në furrë, ndërsa salmoni i konservuar mund të përdoret për sanduiçe apo qofte peshku.
5. Nueces
Arroret përmbajnë fibra, proteina dhe yndyra të shëndetshme. Studimet sugjerojnë se konsumimi i tyre mund të ndihmojë në menaxhimin e diabetit të tipit 2 dhe të niveleve të kolesterolit.
Arrat e zakonshme, janë burim i mirë i omega-3 me origjinë bimore.
Një grusht arra të shoqëruara me fruta të malit përbën një mesvakt të ushqyeshëm. Mund t’i shtoni gjithashtu në tërshërë e kos.
Zakone të tjera që ndihmojnë në kontrollin e sheqerit
Përveç ushqyerjes së shëndetshme, ekspertët rekomandojnë edhe disa zakone të përditshme:
Ecni pas vakteve. Edhe një shëtitje 10-15 minutëshe pas ngrënies mund të ndihmojë në kufizimin e rritjes së sheqerit në gjak.
Hani në orare të rregullta. Shmangni periudhat shumë të gjata pa ushqim, të ndjekura nga vakte të mëdha. Kombinoni proteinat, fibrat dhe yndyrat e shëndetshme.
Flini mjaftueshëm. Gjumi i dobët mund të ndikojë negativisht në mënyrën se si organizmi rregullon glukozën.
Kufizoni alkoolin. Konsumimi i tepërt mund të ndikojë në funksionimin e mëlçisë, e cila luan rol të rëndësishëm në rregullimin e sheqerit në gjak.