--- description: Gjykata Speciale ka reaguar ndaj Avokatit të Popullit duke thënë se ky institucion e ka keqinterpretuar raportin e Komitetit të të Drejtave të Njeriut i Dhomës title: Specialja insiston se Avokati i Popullit e keqinterpretoi raportin e Odës së Avokatëve britanikë image: https://resources.koha.net/images/2026/May/11/f6c1a30b-84a9-4d57-9b6d-95ff5ec7df29.webp?w=1200&r=fill&q=80 --- --- Mbështete KOHËN. Ruaje të vërtetën [Kontribuo](https://www.koha.net/na-mbeshtetni?utm_source=koha&utm_medium=website&utm_campaign=crowdfunding&utm_content=top) [Letër lexuesit](https://www.koha.net/leter-nga-redaksia) × ![](https://www.koha.net/assets/favicon/android-icon-192x192.png?v=2.0.0) **KOHA** Lajmet e fundit, gjithmonë me ju Instalo LAJMET E MBRËMJES # Specialja insiston se Avokati i Popullit e keqinterpretoi raportin e Odës së Avokatëve britanikë ![Gjykata Speciale në Hagë](https://resources.koha.net/images/2026/May/11/f6c1a30b-84a9-4d57-9b6d-95ff5ec7df29.webp?q=80&w=860&h=550&r=fill) - Nga: [Ardit Kika](https://www.koha.net/autori/ardit-kika/articles) [![Ardit Kika](https://resources.koha.net/author/2021/May/28/ardit_kika1622231451.jpg?w=100&h=100&r=fill&q=80)](https://www.koha.net/autori/ardit-kika/articles) - 11 maj 2026 19:12 - Shpërndaje në: - Nga: [Ardit Kika](https://www.koha.net/autori/ardit-kika/articles) [![Ardit Kika](https://resources.koha.net/author/2021/May/28/ardit_kika1622231451.jpg?w=100&h=100&r=fill&q=80)](https://www.koha.net/autori/ardit-kika/articles) - 11 maj 2026 19:12 - Shpërndaje në: ## Dhomat e Specializuara të Kosovës kanë reaguar ndaj Avokatit të Popullit, institucion që në prezantimin e raportit të Komitetit i të Drejtave të Njeriut i Dhomës së Avokatëve të Anglisë dhe Uellsit ka thënë se janë identifikuar shkelje serioze të të drejtave të të akuzuarve në Speciale. Gjykata me seli në Hagë ka theksuar se raporti nuk ka gjetur shkelje të të drejtave të të pandehurve Gjykata Speciale ka reaguar ndaj Avokatit të Popullit duke thënë se ky institucion e ka keqinterpretuar raportin e Komitetit të të Drejtave të Njeriut i Dhomës së Avokatëve të Anglisë dhe Uellsit.  Në reagimin e saj, Specialja ka theksuar se raporti që e ka porositur Avokati i Popullit në Kosovë, nuk tregon shkelje të të drejtave të të akuzuarve në rastin më të madh të Speciales.  “Në kundërshtim me deklaratat publike të Avokatit të Popullit në Kosovë, Komiteti i të Drejtave të Njeriut i Dhomës së Avokatëve të Anglisë dhe Uellsit nuk ka konstatuar se ndonjë prej vendimeve të gjykatësve të Dhomave të Specializuara ka shkelur të drejtat e njeriut të të akuzuarve. Po ashtu, raporti nuk arrin në përfundimin se jurisprudenca e Dhomave të Specializuara shkel apo bie ndesh me jurisprudencën e Gjykatës Evropiane për të Drejtat e Njeriut”, thuhet në reagimin e Dhomave të Specializuara me seli në Hagë.  Në raport është theksuar se ka pengesa strukturore për lirimin e të pandehurve dhe se një paraburgim çfarë po e vuajnë të akuzuarit, në këtë rast Hashim Thaçi, Kadri Veseli, Jakup Krasniqi e Rexhep Selimi, me mundësi shumë të ulët për lirim gjatë gjykimit, ngre shqetësime sa i përket respektimit të së drejtës për liri dhe siguri që parashihen në Konventën Evropian për të Drejtat e Njeriut dhe Konventën për Ndërkombëtare për të Drejtat Civile dhe Politike.  E avokati i popullit, Naim Qelaj, duke iu referuar raportit, ka deklaruar se ai “evidenton shqetësime serioze për zgjatjen e paraburgimit, mungesën e mundësive reale për lirim të parakohshëm dhe kufizimin e komunikimeve familjare dhe profesionale me mbrojtjen”.  [Edhe ![Dhomat e Specializuara: Interpretimet e raportit të Avokatëve të Anglisë dhe Uellsit janë të pasakta](https://resources.koha.net/images/2025/May/04/b9844a36-cbfb-41af-871b-4c194910bb29.webp?w=100&h=100&r=fill&q=80) Arbëri 11 maj 2026 Dhomat e Specializuara: Interpretimet e raportit të Avokatëve të Anglisë dhe Uellsit janë të pasakta](https://www.koha.net/arberi/dhomat-e-specializuara-interpretimet-e-raportit-te-avokateve-te-anglise-dhe-uellsit-jane-te-pasakta) Por, Specialja ka vlerësuar se Avokati i Popullit në Kosovë ka keqinterpretuar raportin edhe për çështjen e paraburgimit.    Në raportin e Komitetit të të Drejtave të Njeriut i Dhomës së Avokatëve të Anglisë dhe Uellsit gjithashtu nuk konstatohet asnjë shkelje e konventave të të drejtave të njeriut në vendimet në lidhje me paraburgimin”, thuhet në reagimin e Speciales.  Derisa raporti i Bar Human Rights Committee of England and Ëales dhe Avokati i Popullit kanë kritikuar Specialen se i ka trajtuar si neutrale provat e marra nga institucionet e Serbisë, Specialja nuk i është përgjigjur këtij pretendimi në reagimin e saj.  Sipas konkluzioneve të Odës së Avokatëve britanikë raporti nuk konkludon se DHSK-ja ka dështuar në misionin e saj, por as se çdo gjë është në rregull”, derisa është theksuar nevoja për krijimin e një mekanizmi të qëndrueshëm monitorimi të gjykimeve.  [Edhe ![Qelaj i kundërpërgjigjet Speciales: Zyra e Avokatit të Popullit në Hagë nuk e shuan mandatin tonë](https://resources.koha.net/images/2025/July/21/60ef40ab-c7b4-4639-bb8d-8e305ce6d7ce.webp?w=100&h=100&r=fill&q=80) Arbëri 15 tet 2026 Qelaj i kundërpërgjigjet Speciales: Zyra e Avokatit të Popullit në Hagë nuk e shuan mandatin tonë](https://www.koha.net/arberi/qelaj-i-kunderpergjigjet-speciales-zyra-e-avokatit-te-popullit-ne-hage-nuk-e-shuan-mandatin-tone) Gjykata që është duke e përpiluar aktgjykimin për rastin e saj më të madh, ka aluduar se Avokati i Popullit është treguar i anshëm duke i favorizuar e riprodhuar argumentet e mbrojtjes në kontrast me ato të prokurorisë e Mbrojtësit të Viktimave.  Për këtë çështje KOHA nuk ka mundur të marrë përgjigje gjatë ditës nga institucioni i Avokatit të Popullit. [#Gjykata Speciale e Hages](https://www.koha.net/tag/gjykata-speciale-e-hages) [#dhomat e specializuara ne hage](https://www.koha.net/tag/dhomat-e-specializuara-ne-hage) [#avokati i popullit](https://www.koha.net/tag/avokati-i-popullit) Artikuj të ngjashëm - [![Avokatit të Popullit i kërkohet ta dërgojë në Kushtetuese Ligjin për Specialen](https://resources.koha.net/images/2025/September/30/51a1f5f6-5e41-4183-8a2d-bcf1c7d1e286.webp?w=100&h=100&r=fill&q=80) Arbëri 25 sht 2026 Avokatit të Popullit i kërkohet ta dërgojë në Kushtetuese Ligjin për Specialen](https://www.koha.net/arberi/avokatit-te-popullit-i-kerkohet-ta-dergoje-ne-kushtetuese-ligjin-per-specialen) - [![Avokati i Popullit i shkruan Rubios dhe shteteve financuese pas “gjetjeve shqetësuese” për Specialen](https://resources.koha.net/images/2025/May/04/b9844a36-cbfb-41af-871b-4c194910bb29.webp?w=100&h=100&r=fill&q=80) Arbëri 6 maj 2026 Avokati i Popullit i shkruan Rubios dhe shteteve financuese pas “gjetjeve shqetësuese” për Specialen](https://www.koha.net/arberi/avokati-i-popullit-i-shkruan-rubios-dhe-shteteve-financuese-pas-gjetjeve-shqetesuese-per-specialen) - [![Avokati i Popullit: Ekspertët britanikë konstatojnë shqetësimet për proceset në Hagë](https://resources.koha.net/images/2026/April/30/230d0414-efb5-4c22-a695-8ec7c048024d.webp?w=100&h=100&r=fill&q=80) Arbëri 30 pri 2026 Avokati i Popullit: Ekspertët britanikë konstatojnë shqetësimet për proceset në Hagë](https://www.koha.net/arberi/avokati-i-popullit-kerkon-drejtesi-nga-dhomat-e-specializuara-askush-i-pafajshem-te-mos-pesoje) [Luftarake.]() [Bullgari Rumenov, fitues i turneut të boksit “Adem Jashari”](https://www.koha.net/luftarake/bullgari-rumenov-fitues-i-turneut-te-boksit-adem-jashari) [Arbëri.]() [Nga nesër ndërprehen linjat e trenave për shkak të grevës](https://www.koha.net/arberi/nga-neser-nderprehen-linjat-e-trenave-per-shkak-te-greves) [Futboll.]() [Unitedi pranon dy gola për katër minuta](https://www.koha.net/futboll/unitedi-pranon-dy-gola-per-kater-minuta) [Futboll.]() [Lille nuk e lë PSG-në të shkëputet në krye](https://www.koha.net/futboll/lille-nuk-e-le-psg-ne-te-shkeputet-ne-krye) [Luftarake.]() [Kosova fiton medalje të artë në Ballkanikun e karatesë](https://www.koha.net/luftarake/kosova-fiton-medalje-te-arte-ne-ballkanikun-e-karatese) [Arbëri.]() [Mot i vranët e me reshje shiu këtë javë, por me temperatura më të larta](https://www.koha.net/arberi/mot-i-vranet-e-me-reshje-shiu-kete-jave-por-me-temperatura-me-te-larta) ```json {"@context":"https://schema.org","@type":"NewsArticle","headline":"Specialja insiston se Avokati i Popullit e keqinterpretoi raportin e Odës së Avokatëve britanikë","mainEntityOfPage":"https://www.koha.net/lajmet-e-mbremjes-ktv/specialja-insiston-se-avokati-i-popullit-e-keqinterpretoi-raportin-e-odes-se-avokateve-britanike","datePublished":"2026-05-11T19:12:07+02:00","dateModified":"2026-07-11T14:10:06+02:00","articleSection":"LAJMET E MBRËMJES","wordCount":520,"author":[{"@type":"Person","name":"Ardit Kika","url":"https://www.koha.net/autori/ardit-kika/articles"}],"publisher":{"@type":"Organization","name":"KOHA.net","url":"https://www.koha.net/","logo":{"@type":"ImageObject","url":"https://www.koha.net/assets/images/Koha_Logo.svg"}},"description":"Gjykata Speciale ka reaguar ndaj Avokatit të Popullit duke thënë se ky institucion e ka keqinterpretuar raportin e Komitetit të të Drejtave të Njeriut i Dhomës","url":"https://www.koha.net/lajmet-e-mbremjes-ktv/specialja-insiston-se-avokati-i-popullit-e-keqinterpretoi-raportin-e-odes-se-avokateve-britanike","keywords":"Gjykata Speciale e Hages, dhomat e specializuara ne hage, avokati i popullit","inLanguage":"sq-AL","image":"https://resources.koha.net/images/2026/May/11/f6c1a30b-84a9-4d57-9b6d-95ff5ec7df29.webp?w=1200&r=fill&q=80"} ```