Tre shtetas të Kosovës janë arrestuar në Durrës si të dyshuar për trafikim droge. Siç ka njoftuar Policia e Shqipërisë, bëhet fjalë për një grup që dyshohet se trafikonte kanabis nga Kanadaja drejt Shqipërisë dhe Kosovës. Operacioni i quajtur “anchor” ka përfunduar me sekuestrim të drogës kanabis të llojit “Gelato” 80 kilogramë, në vlerë tregu rreth 1 milion euro.
Pos tre të arrestuarve, dy të tjerë janë vënë në kërkim.
Sipas njoftimit policor, dyshimet janë se lënda narkotike me emërtimin “Gelato” sigurohej në Ontario të Kanadasë dhe transportohej drejt Shqipërisë, e fshehur në një vend të posaçëm të modifikuar në një automjet të porositur për blerje në Kanada. Dyshimet janë se pas mbërritjes në Shqipëri, droga shpërndahej aty dhe në Kosovë.
Tre shtetasit kosovarë të arrestuar janë: T. D., 32 vjeç, L. G., 26 vjeç, dhe B. J., 40 vjeç.
Në kërkim janë shpallur edhe H.C. nga Kukësi dhe G.O. nga Kosova por që jeton në Ontario të Kanadasë.
“Nga tërësia e veprimeve hetimore të kryera deri në këtë fazë, dyshohet se personat e përfshirë kishin role të përcaktuara në sigurimin, fshehjen, transportimin dhe shpërndarjen e lëndës narkotike, nga Kanadaja drejt Shqipërisë dhe më tej drejt Kosovës”, thuhet në njoftim.
-
Un menor hiere a su hermano de 10 años mientras manipula un Kalashnikov.
-
Un hombre ha sido arrestado, sospechoso de agredir sexualmente a una persona en abril.
-
Un hombre de 16 años es arrestado por amenazar con un arma en Kaçanik.
-
Una persona fue arrestada bajo sospecha de fraude con billetes de avión.
-
Tres sospechosos en Prizren fueron condenados a un mes de prisión preventiva por usura; uno de ellos presuntamente atropelló a un agente de policía y a un peatón.