Prokuroria Themelore në Mitrovicë ka ngritur aktakuzë ndaj N.S. i cili në gjendje të dehur ka shkaktuar aksident me fatalitet më 23 korrik të këtij viti në rrugën nacionale Mitrovicë-Prishtinë.
Sipas aktakuzës, i pandehuri në gjendje të dehur kishte vozitur në anën e kundërt të rrugës duke goditur një automjet që po lëvizje në drejtimin e rregullt.
Si pasojë e aksidentit, ka vdekur një grua, ndërsa tre pasagjerë të tjerë kanë pësuar lëndime trupore. Po ashtu, janë shkaktuar dëme materiale në automjete dhe në mbrojtëset e rrugës.
Prokuroria Themelore në Mitrovicë, me rastin e ngritjes së aktakuzës ka kërkuar nga gjykata që të pandehurin ta shpallë fajtorë për veprën e kryer penale dhe t`i japë dënim meritor sipas ligjit.