Mbrojtësi i Kosovës, Mërgim Vojvoda, luajti deri në minutën e 72-të në humbjen e Udineses kundër ish-skuadrës së tij, Torinos me rezultat 2:1.
Ndeshja u zhvillua të hënën mbrëma dhe i takoi javës së gjashtë të Serie A.
Pjesa e parë përfundoi baras 1:1, kurse në pjesën e dytë, Torino shënoi golin e fitores 2:1. Mbrojtësi i Shqipërisë, Ardian Ismajli, luajti në pjesën e dytë për Torinon.
Torino është ngritur në vendin e 12-të me shtatë pikë, kurse Udinese bie në vendin e 15-të me katër pikë.